Favorites

Isetende a Godot (Parte 1) Isetende a Godot (Parte 2)

Biografia – Samuel Beckett est nàschidu in Dublinu in su 1906. Beckett fiat unu pitzocu solitariu, e meledende a subra de sa pitzinnia sua, cumentat “non tenzo talentu perunu pro sa felitzidade.” A pustis de una carriera in Trinity College, moet a Parizi ue abojat a James Joyce. Diventant compares. In Dublinu, a pustis de un’iscritu a subra de Proust, Beckett concludet chi “s’abitùdine est su càncaru de su tempus.” Gasi in su 1931, dassat Trinity College e faghet vida nomàdiga in Europa, bivende precariamente.

In su 1937 si firmat in Montparnasse, Parizi. Sa novella sua còmica, Murphy, est imprentada in su 1938. In sa segunda gherra mundiale si ponet cun sa Resistentzia Frantzesa a cumbater sos tedescos.

In su 1947 torrat a Parizi in ue iscriet una trilozia de novellas: Molloy, Malone est mortu, e Isetende a Godot. “Si aia connotu chie Godot fiat,” nachi Beckett, “lu dia aer naradu in su contu”.

Coberta de su libru

In sa prima òpera teatrale sua, Eleuteria, si atzerat sa chirca sua pro sa libertade, ma su triunfu beru est bènnidu in su 1953 cando Isetende a Godot est interpretadu in su Théâtre de Babylone. Custu contadu in ue “nudda càpitat” connoschet sutzessu instantaneu, e est criticadu favorevolmente dae iscritores diversos chei William Tennessee, Thornton Wilder e Jean Anouilh chi cumentant: “Dae oe at a esser prus fàtzile a iscrier liberamente pro su teatru.”

In su 1957, Endgame est amustradu (in frantzesu) in Londra. Finas si s’inglesu fiat sa limba materna de Beckett, preferiat iscrier in frantzesu. Paret chi isse cheriat sa disiplina e povertade de espressione chi una limba imparada a mannu ebia li podiat dare.

Su traballu teatrale de Beckett non sighit andalas traditzionales. Si cuntzentrat in su chi capitat, personalidade e solutzione finale. Sa limba est inùtile ca criat un’universu de janas abitadu dae criaduras chi gherrant vanamente a esprìmer su chi non si podet. Sos pessonazos suos bivent in unu vacu orrorosu populadu dae ìncubos, sunt asuzetados dae unu sensu de confusione e dolu, e proant grotescamente una itesisiat forma de comunicatzione, ma illisinende infines in su mare de pessamentos, inutilmente e infinidamente.

Beckett est su primu assurdista a esser connotu a livellu internatzionale. Sas òperas suas las ant bortadas in prus de binti limbas. In su 1969 at bìnchidu su premiu Nobel pro sa literadura. At iscritu finas a sa morte sua in su 1989, puru si sa paràulas pariant pro isse “una mantza innetzessaria de silentziu e de sudda.”